ಹುಡುಕಿಕೊಡಿ ಪ್ಲೀಸ್..

ಏನೆಂದು ಬಣ್ಣಿಸಲಿ ನಿನ್ನ,
ನಿನ್ನ ಮಾಯೆ ಅಪೂರ್ವ,

ಮನಸಿನ ತುಂಬಾ ಮುಗಿಯದ
ಆಸೆ, ತೀರದ ದಾಹ.,
ತುಂಬಿದವಳು ನೀನಲ್ಲವೇ,

ಕನಸುಗಳು ತಂತಾನೆ ಕಣ್ಣೊಳಗೆ
ತುಂಬುತ್ತಿದ್ದವು., ಇಂದೇಕೋ
ಮನಸ್ಸಿಗೇ ಮುಚ್ಚಿದೆ ಕಾಡ್ಗತ್ತಲ್ಲು...

ಹಣವೇ , ನೀನೇಕೆ ಹೀಗೆ..?
ಸುಖವ ಹುಡಕುವ ಬರದಲ್ಲಿ
ಕಳೆದುಕೊಂಡೆನೇನೋ ನಾ ನನ್ನನ್ನೇ..

ನಿದಿರೆ...

ಹೊಂಗೆಯ ನೆರಳಲಿ
ಮಲಗಿದವನಿಗೆ ಸುಖ ನಿದ್ರೆ.,
ಚಿಂತೆಯಿಲ್ಲದವನಿಗೆ
ಸಂತೆಯಲ್ಲೂ ಸಿಹಿ ನಿದ್ರೆ.,
ಕುಡಿದವನಿಗೆ ಮೋರಿಯಲ್ಲೂ
ಮೈಮರೆತ ನಿದ್ರೆ.,
ಹಣದ ದಾಹ ತೀರದವಗೆ ಪಲ್ಲಂಗದಲ್ಲೂ
ಬರುವುದಿಲ್ಲ ಬರೀ ನಿದ್ರೆ.

ಆಸೆ

ಮುಸ್ಸಂಜೆ ಸೂರ್ಯನ
ಕೆಂಪಿಗೆ ಕೆಂಪಾದ ಹುಡುಗಿಯ
ಗಲ್ಲದ ಕುಳಿಯಲ್ಲಿ .. ನನ್ನನ್ನೇ ನಾ ಮರೆತು
ಮುಳುಗುವ ಆಸೆಯು ..

ಹಬೆಯಾಡೋ ಕಾಫಿಯು
ತುಟಿಯಂಚಲ್ಲಿ ಉಳಿಸಿದ
ಕಾಫಿಯನ್ನು, ಎನ್ನ
ತುಟಿಯಲ್ಲಿ ಸವಿಯುವ
ಮನದಾಸೆ ಮೂಡಿದೆ ..

ಮಳೆಹನಿ ಮೋಸದಿ ಹಾರುತ್ತಾ
ಗಾಳಿಗೆ ತೂರುತ್ತಾ,
ನನ್ನವಳೆದೆಯ ಮುಟ್ಟುವಾಗ,
ಆ ಬಾಗ್ಯವೂ ಇಲ್ಲದೆ ಒದ್ದಾಡೋ
ಮನಸ್ಸಿಗೆ ಬೇಡವೇ ಸಾಂತ್ವನ..

ಹಾಡಾಡೋ ಮನಸ್ಸಿನ
ನೆಮ್ಮದಿ ಕಳೆಯಲು
ಬೇಗನೇ ಓಡುವ
ಸಮಯವೂ ನಿಲ್ಲಬಾರದೇ...

ಒಪ್ಪಿಗೆ

ಯಾವ ಜನ್ಮದ ಮೈತ್ರಿ
ಈ ಜನ್ಮದಲ್ಲಿ ಬಂದು ನಮ್ಮಿಬ್ಬರನ್ನೂ
ಮತ್ತೆ ಬಂದಿಸಿಹುದೋ,
ಬರೀ ಅಚ್ಚರಿಗಳಿದ್ದವು ನನಗಂದು,
ಮೋಡ ಬಸಿರಾಗುವ ಬಗ್ಗೆ, ಬಿಸಿಲು ಮಳೆಯಾಗುವ ಬಗ್ಗೆ,
ಹೂವು ಹಾಡಾಗುವ ಬಗ್ಗೆ, ಈ ಹುಡುಗಿ ನನ್ನೆಲ್ಲಾ
ಅಚ್ಚರಿಗಳಿಗೆ ಅರ್ಥ ತುಂಬುತ್ತಾಳೆ ಅಂತ ಅನ್ನಿಸಿದ್ದೇ ತಡ ..
ಒಪ್ಪಿದೆ.. ಎಷ್ಟು ಮಾತಿಗೆ ಎಷ್ಟು ಮೌನ, ಬಲ್ಲವರ್ಯಾರು ?

ಭಯವಿದು..

ಕನಸುಗಳು ಕೂಡಾ ಒಮ್ಮೊಮ್ಮೆ

ಹಿತವಾಗಿ ಭಯ ಬೀಳಿಸುತ್ತವೆ..

ಎಲ್ಲೋ ಕಾಣದ ಕಣ್ಣೊಂದು ಬಿದ್ದು

ಕಾಣುವ ಕನಸು ಕೂಡಾ ಚೂರು ಚೂರು

ಆದೀತೆಂಬ ಭಯವದು..

ಗೆಳತಿ..

ನನಗೆ ಸುಳ್ಳನ್ನೆದೆರಿಸುವ

ತಾಕತ್ತಿದೆ ಗೆಳತಿ,

ಆದರೆ ಸುಳ್ಳನೇಳುವ

ಗೆಳತಿಯನ್ನಲ್ಲಾ...

ಸ್ನೇಹ ಅರಸುತ್ತಾ..

ಸತ್ತ ಬಿದಿರ ಕಾಗದದಲ್ಲಿ -

ಅರಳಿದ ಕವನದಲ್ಲೇಕೆ-

ಹುಡುಕುತ್ತಿ ಗೆಳತಿ.,

ನೀ ಕಟ್ಟಿದ ಕನಸುಗಳಾ.,

ಜಗಕೆ ಹೆದರಿ ಮುಚ್ಚಿಟ್ಟ ಮಾತುಗಳಾ.,

ಹಂಚಿಕೊಳ್ಳಲಾಗದ ಬಾವನೆಗಳಾ..



ದಿನಗಳುರುಳುವವು ಒಂದಾದೊಂದರಂತೆ.,

ಮುಚ್ಚಿಟ್ಟ ಮಾತು, ಹಂಚದ ಬಾವನೆ,

ಮರೆತ ಕನಸಂತಾದರೇನು ಚೆಂದ.,

ಸ್ಪಂದಿಸುವ ಹೃದಯ ಖಾಲಿ

ಕುಳಿತಿರುವಾಗ...



ಪ್ರೀತಿಯ ಪಿಸುಮಾತುಗಳೇ

ಕೋಟ್ಯಾಂತರ ಮೈಲಿ

ಚಲಿಸುವ ಕಾಲವಿದು..,

ನಿನ್ನ ಮನದ ಬಾವುಕತೆಗೆ

ಬೆಲೆಯಿಲ್ಲವೇ..,



ಇಲ್ಲಿದೆ ಹಚ್ಚನೆಯ ಬೆಚ್ಚನೆಯ -

ತುಂಟ ಹೃದಯ.,

ಹಂಚಿಕೊಳ್ಳಲು ಸ್ನೇಹವಾ..

ಕಲಿ ನಗುವನೆಂಬ ಭ್ರಮೆಯಲ್ಲಿ

ಕಲಿ ನಗುವನೆಂಬ ಭ್ರಮೆಯಲ್ಲಿ
ಕನಸುಗಳ ಕಟ್ಟಿಟ್ಟು ,
ಬದುಕ ಬೆಂಬತ್ತಿ
ಕತ್ತಲ ಕೊವೆಯೊಳಗೆ
ಆಳರಸನಾಗಲು ಹೊರಟಾಗ
ಭಾವನೆಗಳು ಕನ್ನೀರಿಟ್ಟವು

ಭಾವುಕ ಮನ
ಕತ್ತಲಾದೊಡನೆ ಅರಸುವುದು
ಕನಸುಗಳ ತೊಟ್ಟಿಲಲಿ
ತೂಗುಯ್ಯಾಲೆಯಾಡಿಸಲು
ಈ ಎನ್ನ ಮನವ..

ಕಪ್ಪು ಕೆಪ್ಪಾಗಿ
ಕಂಗಳು ಕೆಂಪಾದರೇನು ?
ಬುದ್ದಿ ಒಪ್ಪುವುದೇ ..
ಮನ ನಿನ್ನ ಅಡಿಯಾಳೆಂಬ
ಜಪ ತಪವಾಗಬೇಕಷ್ಟೇ ..

ಬೆಟ್ಟದ ತುದಿಯಲ್ಲಿ ಮನೆ ಮಾಡಿ
ಗಾಳಿಗೆ ಅಂಜಿದೊಡೆoತಯ್ಯಾ ?
ವೇಗಕ್ಕೆ ಕಿಚ್ಚು ಹೊತ್ತಿಸಿ
ಹತ್ತಿದ ಬದುಕ ರೈಲಿಳಿದರೆ
ಕಲಿ ಮೆಚ್ಚುವುನೆನಯ್ಯ ?

ಬಿಳಿ ಕೂದಲಿಗೆ ಮುಪ್ಪಡರಿ
ಪಸೆಯಾರಿದ ಕಂಗಳಲಿ
ಕನಸುಗಳ ಅರಸುತ್ತ
ಹಿಂದಿರುಗಿ ನೋಡಿದಾಗ
ಕಲಿ ನಕ್ಕನೆಂಬ ಭಯವೇ ?