ಸ್ನೇಹ ಅರಸುತ್ತಾ..

ಸತ್ತ ಬಿದಿರ ಕಾಗದದಲ್ಲಿ -

ಅರಳಿದ ಕವನದಲ್ಲೇಕೆ-

ಹುಡುಕುತ್ತಿ ಗೆಳತಿ.,

ನೀ ಕಟ್ಟಿದ ಕನಸುಗಳಾ.,

ಜಗಕೆ ಹೆದರಿ ಮುಚ್ಚಿಟ್ಟ ಮಾತುಗಳಾ.,

ಹಂಚಿಕೊಳ್ಳಲಾಗದ ಬಾವನೆಗಳಾ..



ದಿನಗಳುರುಳುವವು ಒಂದಾದೊಂದರಂತೆ.,

ಮುಚ್ಚಿಟ್ಟ ಮಾತು, ಹಂಚದ ಬಾವನೆ,

ಮರೆತ ಕನಸಂತಾದರೇನು ಚೆಂದ.,

ಸ್ಪಂದಿಸುವ ಹೃದಯ ಖಾಲಿ

ಕುಳಿತಿರುವಾಗ...



ಪ್ರೀತಿಯ ಪಿಸುಮಾತುಗಳೇ

ಕೋಟ್ಯಾಂತರ ಮೈಲಿ

ಚಲಿಸುವ ಕಾಲವಿದು..,

ನಿನ್ನ ಮನದ ಬಾವುಕತೆಗೆ

ಬೆಲೆಯಿಲ್ಲವೇ..,



ಇಲ್ಲಿದೆ ಹಚ್ಚನೆಯ ಬೆಚ್ಚನೆಯ -

ತುಂಟ ಹೃದಯ.,

ಹಂಚಿಕೊಳ್ಳಲು ಸ್ನೇಹವಾ..